Breaking News

Tuesday, April 03, 2012

The Sun Interview 2: Being betrayed, Charmaine Sheh find it difficult to trust people within entertainment circle


[The Sun 03.04.12]


在娛樂圈打滾多年的無綫視后佘詩曼見盡風浪,但入行初期仍屬天真少女的她曾被圈中好友亂爆料出賣,令她「杯弓蛇影」, 從此揀朋友都小心謹慎,不敢輕易信人。

好多人都覺得圈中難搵知心友,的確女仔係難啲,始終有競爭,圈中人當中我同周家怡比較Friend,大家都好爽直,男仔Friend就係Bobby(歐陽震華)、天明(洪天明),其實都試過畀圈中朋友出賣,唔係近年嘅事,係十幾年前,同佢講咗一啲嘢,佢竟然話畀記者知,無啦啦借我做新聞,件事明明冇發生過,但因為佢知好多發生喺我身上嘅事,所以報道入面有啲嘢係真,好似好真咁!都唔知咩事,無啦啦同我不和,仲做咗幾個星期封面。

知己難求

當時真係好唔開心,尤其係初入行嗰幾年,個人仲係好天真,畀人出賣真係晴天霹靂,當時我哋真係Friend嚟o架!但呢件事之後冇睬佢好耐,係幾可惜,覺得可惜係段關係已經冇咗,都冇搵佢解決,仲唔驚佢錄你音咩?佢害緊你呀!

不過,到今時今日我有同佢講不如做番朋友啦!依家我哋見到都會點吓頭,打聲招呼咁囉!的確,我依家係難咗相信圈中人,真係要睇人,真係驚咗,知心友會嚴謹啲揀,依家幾位朋友文女(文頌嫻)、樂怡(姚樂怡)、盈盈(湯盈盈),係近幾年一齊玩、一齊傾偈建立信任。

愛玩愛蒲

我係比較鍾意玩,試過夜蒲畀人影到相,但都唔係影到我醉,其實我一飲酒就會面紅,飲三啖抑或飲三千啖都一樣,面紅因為我血氣好,我又唔會飲太多,適量就OK,去玩亦唔係為咗發洩,我唔覺得蒲有咩問題,又唔係唔畀錢,同朋友傾偈好正常,無論件事有幾大都好,講一百次就唔係咩事。




No comments:

Designed By Published.. Blogger Templates